Awtobusda öz oturan ornuňy özüňden ula berjek bolma, barybir garranyňdan soňra özüňem dik durmaly bolarsyň.
***
Irden turup peje ot ýakanyňda seresap bol. Hiç zady şakyrdatma, aýalyň süýji ukusyny bozjak bolma.
***
Horazyň on gezek gygyrýan sesinden, onuň bir budy gowudyr.
***
Hiç wagtda gara nebsiňi özüňden öňe tutma. Ýoluňy görmän bir gün gaýadan gaçarsyň.
***
Duralga diýilse awtobusa münilýän ýerdir öýtme. Ol awtobus gelse-hä münüläýýän, ýogsa-da adamlaryň bir ýere üýşüp, öz nerwileriniň nä derejede çydamlydygyny barlaýan ýeridir.
***
Altyn diş kakdyrmazyňdan öň ilki dodagyňy gyşartmany öwren, ýogsa dişiňiň görünmezligi mümkin.
***
- Gurbaganyň endamy ýazyň güni buz ýaly. Gyşda nähili-kä?- diýip, biljek bolup azara galma. Gyşda hem onuň endamynyň sowuklygy obalardaky dükanlaryň içinden sowuk däldir.
***