Oýnadyp ýeserje gara gözleriň,
Meň ýanyma geleniňde her gezek,
Ýazyp otyranmy görüp, diýersiň:
"Men azar bermäýin işlemek gerek!"


Ol gezegem şeýdip, çykdyň-da gitdiň,
Birküç sany wäşi söziňi oklap.
Indem uzaklarda ümsüm ýatyrsyň,
Bütindünýä ümsümligin gujaklap.


Eýýäm şu gün ýitgilerňi sanasaň,
Otuz ýaş asyr deý uzak görünýä.
Paýhaslanýas, hyjuwlarmyz köşeşýär,
Biz ýitirip düşünýäris bu dünýä.


Seniň baryp ýeten uzak ülkäňe
Otlular gatnanok, masyn baranok.
Bu gün sen barada goşgy ýazýaryn,
Senem gelip, maňa azar bereňok.


Bu gün iňrih çöküp dagyň üstüne,
Gije göge seçeninde pişmesin,
Sen-ä gelip maňa azar bersediň.
Menem şul goşgyny ýazman geçsedim.


Gurbannazar Ezizow.