Özbegistan Respublikasynyň Fergana oblastynyň 3 ýaşlyja ýaşaýjysy - wunderkind Afifa atly gyzjagaz globus boýunça islendik ýurdy, paýtagty görkezip hem aýdyp bilýär. Gyzjagazyň ejesi - Mahliýo Kuşakowa: "Gyzym geplemäge başlanandan, onuň ýatkeşliginiň örän ýokarydygyna göz ýetirdim" diýip gürrüň berýär. Ol gürrüň berlen islendik ertekini ertesi gün ejesine ýatdan tutuşlygyna yzygiderlikde gürrüň edip aýdyp bilýär. Bir gezek gyzjagazyň enesi oňa dünýä döwletleriniň atlaryny we paýtagtlaryny gürrüň berýär welin, gyzjagaz şol bir yzygiderlikde ýatdan aýdyp berýär. Soňra enesi ýurtlaryň ýerleşişini globus boýunça düşündirýär. Indi Afifa hiç bir kynçylyksyz islendik ýurdy görkezmegi we atlandyrmagy başarýar.
Habarçylar onuň bilen gyzyklanyp, ýurtlary we yklymlary başly-barat sorap başlaýarlar. Gyzjagaz birjigem ýalňyşman, soralan ýurtlary we yklymlary globusdan tapyp berýär. Bu gyzjagazyň umumylykda dünýä kartasyndan 183 döwleti ýalňyşman görkezendigi barada habar berilýär