Dünýä ýüzünde haryt daşamakda peýdalanylýan ulaglaryň arasynda öňdeligi ýük ulaglary saklaýar. Söwda gatnaşyklarynyň ösmegi netijesinde bu pudak hem gün-saýyn ösýär. Şeýlelikde bu ugurda hem täze tehnologiýalardan peýdalanyp awtomatlaşdyrylan ulgamlary döretmeklige has köp üns berilýär. Muňa mysal edip Şwesiýanyň "Einride" şereketiniň işläp taýýarlaýan sürüjisiz ulaglary getirip bileris. Bu ulagy kompaniýa ýylyň başyndan bäri synagdan geçirýär. Beýleki ýük awtoulaglaryndan tapawutlylykda elektrik energiýasy bilen işleýän "T-Pod" atly ulagda sürüji üçin kabina göz öňünde tutulmadyk. Synag döwründe bolan bu ulagyň indiki ýyldan başlap doly ulanylyşa taýýar boljakdygy mälim edildi. Häzirki wagtda sürüjisiz ulaglaryň hereket etmegine rugsat berýän ýurtlaryň ýokdygyna garamazdan degişli infrastruktura döredilen hem-de ýol hereketiniň kadalary işlenilip taýýarlanylandan soňra şeýle ulaglaryň ýol hereketinde peýda bolmagyna garaşylýar.

Häzirki wagtda dünýäniň köp ýerinde sürüjisiz hereket edýän ulaglar uly ýollara göýberilmese-de, portlarda we giň ammarlarda giňden ulanylýar. Muňa mysal hökmünde Gollandiýanyň Rotterdam şäherindäki uzakdan dolandyrylýan, konteýnerleri daşaýan ulaglary görkezip bileris.

#tehnologiýa

File engine/modules/thanks.php not found.