Gökde Haka, ýerde nurly adyňa
Sežde edip, gamdan gussadan aşyp
Görsene neneňsi bagtly dem alýar
Laçyn...

Gün batanda şapak dogsa gyzaryp,
Soňam garalyga siňse gözýetim,
Skripka zaryn heňe başlasa,
Sensizligiň çekip elhenç ezýetin,
Dünýäni gam-gussa almazmy eýsem?!
Wysalsyz arzuwlar pida bolmazmy?!
Umytlaryň inkär edip hezzetin,
Arman bolup ýaňlanmazmy marşlar?!
Awangardlar ornun alar olaryň...
Gijeki baýguşlar öwülýäden göçüp,
Meň göwnümi eýlemezmi gonary?!
Gursagmy iýmezmi dymyşlyk ahy,
Ruhum bedenime sygman urunsa?!
Alysdan nazarlap sönse yşyklar,
Garalykda aksyz gözlem ýalbyrap,
Diňe seň ýoluňa garap görünse...
Gelmeseň, bialaç ýumulsa olam,
Ertesi aýdylsa "Allahu ekber"...
Soňky ýola gadamymy goýsalar,
Garny dok tabydyň keýpini kökläp,
Meňzäp sapy döwlen dutar-kädige,
Mazara öwrülsem bäş pil gum bilen,
Sen meniň ýanyma gelginiň, dünýäm,
Ýoldaşlyga, Gün ýaşanda tüm bilen...
Men şonda mazardan saz bolup saňa,
Şirwan perdä galyp, aýlap aýlawyn,
Tutulmanka sowlan toýmuza baglap,
Çekip biýrin "Balsaýadyň" gaýnawyn.

Maňa soňsuz ömür ber
Yşgymyň humaý guşy.
Soňuny saýgarma sen
Esasy başla başyn.

Ýegşereýin mähriňi
Götermäge güýç tapman.
Seň özüň gurbat maňa
Peşgeş eýlegen ykbal.

Eger birden ynjytsaň
Y:njalsa ýürek howruň....
Elýaglygm galkandyr
Gözim bilen göreşerin.

Sygmasada kükregme
Agylaryň barysy...
Bilýän halyma dözmän
Sen alarsyň ýarysyn.

Bakyşlarňa melulam
Gursagyň iman-ynsap.
Tisginjeň ruhum aşyk
Getirme oňa ysnat!

Öňküsi deý dogup ýaşýan günleriň,
Süýjedi lezzeti... üýtgedi reňki.
Ylahy adynyň nuryna duşup,
Ornun aklyk aldy soňsyz garaňkyň.
Gör neneň hoşwagtlyk görüň-ä görüň,
Maňa faraony oýaryp beriň!
Goý, ol buýruk etsin jöhit gullarna
Nefertitiň mazaryny açdyryp
Onuň tumaryny maňa bermegi...
...Hem meniň bagtymy nusga getirip
Bagtyň neneň gymmatlygny görmegi.
Otparazlaň otlaryny söndüriň,
Olarada mährim berer ýylylyk.
Goý, ýüregim Haka peşgeş berilsin
Piramidasynda beýik Maýýanyň
Ähli däp dessurlar dogry kylynyp.
Men şonda-da mähir bolup ýaşaryn
Gitmerin, gitmäge hyýal etmerin
Iň uly yşk barka, Hak nury barka
Gara gabryň leblerinden öpmäge.
Aşygam özüňe, aşakdyr serim
Öňüňde kamatym dik bolup bilmez.
Eçileniň bakylykdyr hemdemim
Peşgeşiň öwezin dolduryp bilmen.
Guluna ýan berdim yşgyn höwesläp
Nurly adyň bilen eýlendim bendi
Ýene dünýe içre yşk beren maňa
Diňe sendiň!

Uklapsyň...
Ähtimal şu wagt düýşüňde
Görýänsiň... ähtimal Mukaddes Käbä
Zyýarat edişiň. Pygambermiziň
Aýak basan nur-rehmetli ýerinde
Dilegleri edip ynsabyň bilen
Haktagala bolan çäksiz söýgüni
Göteripler ak guş deýin seriňde.

Perişdäm!
Ýok sen perişdeden has belent bir zat
Gursagyňda dünýäň mähri jemlenen...
Ynanýan, Hak Hudaý meni ýasanda
Diňe seniň söýgiň bilen dem beren...
Ýatyber, oýanma, dowam et düýşüň
Arzuwum düýş bolup barsadym menem.
Seniň gözleriňde galmagym üçin
Huşda doýup bilmän çekýän zarymyň
Düýşlerňede dolup ganmagy üçin.
Men nähili bagtly, görsene dünýäm
Seniň oýanmagňa garaşmaklygyň
Ykbalyma nesip bolany üçin.

Allajan binesip etmedi mundan
Sansyz mertebedir gönezlik alyp
Ýaşap ýörmekligem panyda senden...
Saçlarňy sypalap nurly ýüzüňden
Iki dünýäm üçin imanym alsam...
Öýkeniňden çykan gulap demiňden
Dirilik ruhy deý gursagma salsam...
Elleriňi öpüp, seždämi edip
Aýaklarňy tugra edip ogşasam
Oýanaňda gujagyňda towlanyp
Sary gaçan ýüplük deýin gowşasam...

Bakylykdyr gözleriňde dogulsam
Ýene seniň üçin söýgi dogursam...

Asman bilen zemin çarpdy çapagy,
Gözleriň perdesi syryldy birýan.
Hatlar iň ajaýyp heňe başlady,
Mukaddes söýginiň dilinde saýrap.

Soň syrly bakyşlar ornady süňňe
Aňyrsyndan bir enaýy suratlaň.
Mynasyp görüldi birek-birege
Akyl, aň-düşünje, sypat-syratlar.

Bir ömre baglanan arzuw-umytlar,
Düşünmedim, nädip bizden tazykdy.
"-ym"-da bitewlenen atlarymyzyň
Gyýylan nikasy "-yň"-a ýazykdy.

Garaz, biziň guran teatrmyzyň
Nikaplarnyň hiç haýsysy gülmedi.
Durmuş Şekspirden has ejiz eken,
Senden Romeony ýasap bilmedi.

(Plany Planyýewe bagyşlaýan)
Gözleriňe dünýä sygan mähriban...
Bakyşlaňda soňsuzlygyň mähri bar.
Sesiň bilen saz eýleseň göwnümi
Gülüşiň ýaz deýin eçilýär humar.

Inçesagt syratyňa bendiýem
Gursagyň mährapdyr gursagma meniň.
Ömür boýy şaýylyga kaýylam
Seždegähim bolsa alnyma lebiň.

Galtaşsaň süňňüme o:tlar kär etmez
Sogap ber, sag taýky kitabym boşlaw.
Maňa iň aýylganç yzany eçil!
Ejirleň ruhuma eçilsin hoşluk.

Adymyň yzyna "ym" goşup diýýäň
Sözleň bilen bir wagt gyýdyň nikamy.
Öp meni, gujakla, eýele erkim
Hak nuryndan isme gelen mekanym!

Aňlasana...
Sen aňmasaň kim aňsyn...
Gurbany bolaýyn duýgur ýüregiň.
Bar zadyň täzeçe asallygy bar
Mädämiň azalýar saýlaw höregi.

Eşitýärmiň iň ýokary notada
Gursagymyň aýdyp duran aýdymyn.
Birini hyruçly jemlejek bolup
"Si" bilen iň soňky heňim goýdugym.
Täzeden ýene bir mukaddes duýga
Eýlenen saz gelip barlyk deminden
Ýene ýene ýene başlatýar heňe
Meniň ýaltalygmyň çykyp eminden.

Seniň ünsiň bolsa mende däl ýaly.
Biparhlygňa gaçyp barýar ynjalyk.
Müň gowga başyma jemlenýär şo hal
Ünjili dünýäme "bir gyz" sanjylyp –
agyrtýar, owalam ganjymak ýaram
Onsaň oňa hiç zat bolanok melhem.
Rahatlyk berenok gumanly aňa
Wepa Pirnepesiň kitaplary hem.

Garaz şeýle... ähli barlyk bulaşyk
Gyzygam ýok. Hiç zat berenok lezzet.
Ine şeýdip ýaşap ýörmek meň üçin
Ezýet...

Laçyn ÖWEZOWA.

Gün batanda şapak dogsa gyzaryp,

Gun batanda şapak dogsa?

Batyrgaý gyz eken.

Köp wagtdan bäri ýokdy.Laçyn joşupdyra tüweleme

Şu goşgyň maňa ýazlan ýaly. Indi menem jogaplaýyn .

Gel gyz , bu bagtyma bol sen sebäpkär,
Menem seni bagtly edeýin ömürlik .
Bagtly bolmana juda sebäp kän ,
Gitme gözel gursagymdan sogurlyp .

Gelişiň ömrüme iň uly öwrüm ,
Durmuşymy bagta tarap öwürdiň .
Ýylgyrşyňa joşup gaýnady göwnüm ,
Entek mende ýaşalmadyk ömür sen .

Gel ýumur sen gussalarmyň binasyn ,
Döredeli bile başga dünýäni .
Gel sen meni sensizlikden halas et ,
Soň ýaşabereli başgalar ýaly .

Sen maňa sowgat et gaýgy hem gülki ,
Saňa bolan söýgüm soňlanmasynla .
Gitseň goşgylarym jemlener belki ,
Gitme bu goşgymam jemlenmesinle.

Gerçeknazar Amannazarow

Believe_me,
Bäh beýlede bir göniläýmek bormy diýsene. "Halys gözden geldi" diýeniňkä bardy bula

Daşdan kesekleşýäňizmi ýa saýtdakylara bildirjek bolýaňyzmy? Realny we hiç kime bildirmän söýüşilse ideal we haky söýgi bolmaly diýýädi öňem biri

Maňa iň aýylganç yzany eçil!
Ejirleň ruhuma eçilsin hoşluk.

eýele erkim

Mazohist nawerno, liriki gahryman.

Laçynyň bu goşgylary ýöne bir samrama.