Uzak wagtyň dowamynda semizlige eltýän we saglyga zyýanly önümleriň hatarynda kartoşka çipsileri öňde baryjy hasaplanyp gelinýär. Düzümindäki ýag, krahmal, duz we gowrulyşyň hasabyna muny kabul edýän işdämenlerde bir näçe wagtda ýürek gan-damar keseli, semizlik döräp başlaýar.
Gahar üssünde döredilen çipsler.
Kartoşka çipsileri ABŞ-da kurortlaryň biriniň restoranynda tötänleýin döredilýär, bu restoranyň mahsus tagamy gowrulan fri kartoşkasydy. Günlerden bir güni şu kurorta dynç almaga gelen demir ýol magnati şol gowrulan fri kartoşkasynyň galyňlygyndan we gowy gowrulmadygyndan bahana tapýa we tagamy yzyna iberýär. Inçe tagam eýesi bolan bu müşderä baş aşpeziň gaty gahary gelýär we kartoşkany maksimal derejede iiiinçe dograýar we gyzgyn ýaga taşlaýar. Netijede depder sahypasy ýaly inçe bölekler emele gelýär. Baş aşpez bu müşderiniň üssünden gülen ýaly edip şol tagamyny müşderä eltýär, ýöne müşderi muny ters kabul etmegiň deregne gaty halaýar. Şu hadysa esasynda çipsler döredi we bu restoranyň mahsus tagamyna öwrüldi.
Çipsler salnan paketlar azot bilen çişirilýär.
Çips satyn alanlarynda onuň paked howa bilen doldurulan diýip pikir edýärle aslynda bu nädogry. Howanyň düzüminde kislorod bar, bu bolsa çips ýaly näzik önüm üçin howply, zyýanly. Howanyň täsirinde çipsler tagamyny tiz ýitirýäler we gurap owranýalar.
Çipsler semizlige eltýän iň ýokary önümlerden.
Bedeni semizlige alyp gelýän howply önümler- bu trans ýaglaryndan peýdalanyp taýýarlanylan önümlerdir. ,,Tiz" uglewodlar bilen doýan ýokary krahmally önümiň zyýany hem kem däldir. ýagda gowurmaklyk bolsa önümiň üstünde himiki konserogen üýtgemelere alyp gelýä. Bulardan başga-da artykmaç duzlylyk, önümiň iýmitlik gymmatyny peseldip köp iýmeklige, özüne çekýä. Ýagny doýumlyk kem emma köp iýmek üçin işdä berýär, bu bolsa artkmaç semizlik diýmekdir. Bu agzap geçen hil-sypatlandyrmalarymyz bolsa ýukajyk, hiç hili täsirsiz görünýän kartoşka çipslermize degişlidir. Aýny şu kartoşka çipsler zyýanlylyk boýunça gowrulan kartoşka fri-ni hem-de koka kolany hem yzda galdyrýar.