Iň soňky duşuşyk hem iň soňky jaň
Sanlyja minutdan gutarýar mekdep
Maňa örän köp zatlary öwreden
Halypam ýürekde ýaşarsyň entek

Ýaşarsyňyz meniň mugallymlarym
Siziň sapagyňyz bolar görelde
Beýik durmuş mekdebiňiz, ömrüňiz
Ykbalyma edinerin ýörelge

Eger men bir ýerde gyzmalyk edip
Birden degen bolsam şol näzik göwne
Sen meni bagyşla, öwredipdiňem
Gazaply bolmaly hakyky söýgä

Birinji mekdebim-ol meniň ejem
Ikinji mekdebim-meniň kitabym
Seredip otursam şol ikisinem
Sen özüňde jemläpsiň-le, mugallym

Ykbalymyň her bir sahypasynda
Seniň hiç öçmejek eziz adyň bar
Meniň saňa söýgim, seň maňa söýgiň
Öçmesin, ýyllardan galsyn ýadygär.

Bägül ATAÝEWA