Aýryp bilmän bir söýenmi serimden,
Yzda goýup söýýänleriň niçesin.
Mäkäm tutup ýalňyzlygyň elinden,
Synlap barýan ykbalymyň köçesin.

Öňler şeýle ajaýypdy ol köçe,
Ýollary gurlupdy geljege sary.
Kynçylyk bolsa-da her güni niçe,
Şatlykdan doludy duralgaň bary.

Umytlar ýaşardy arzuwy bilen,
Yşkdan ýaňa şuglalydy gije-de.
Her bir penjiresin ynamly gören,
Mahrum däldi - "bagt" atly bijeden

...Arman, indi şol köçäňem kemi bar,
Bolmaýşy deý gözelleňňem bir kemsiz.
Şol ýetmeziň müdümilik ýeri bar,
Ýetmezim - Sensiň!


Ylham GURBANALYÝEW