Bir ýaryň ýowuz bakyşy,
Şahyra öwrüpdir meni.
Gynanman ýürek ýakyşy,
Köýdürip gowrupdyr meni.

Sagamy, ýogsa-da sola?
Bilmen özgelerden sorap.
Dileg bilen salda ýola,
Ejemjan ugrukdyr meni.

Gökde gün-aý bolsa jemal,
Zeminde tapmadym karar,
Ýaprakdym biynsap şemal,
Bagymdan sowrupdyr meni.

Ýüregimi ýakjagymdan,
Ejem şahyr çykjagymdan,
Derdim şygra dökjegimden,
Habarsyz dogrupdyr meni.

Uzuk NOWRUZOWA