"Jöwen bişer-bişerde"

Nurmyrat Meredow.

Derdimi gozgar ýene,
Ol gyz ýada düşerde.
Sözsüz aglaýan menem,
Jöwen bişer-bişerde.

Güne gowrulsa yşgym,
Yşkdan dörese goşgym.
Saraldy,soldy keşbim,
Jöwen bişer-bişerde.

Sen okama dözmezim,
Ýaşdan dolar gözleriň,
Jöwzalydyr sözlerim,
Jöwen bişer-bişerde.

Kalpda kine düşledi,
(Bu jöwenem bişsedi).
Göwündeşim goşgymy?!
Jöwen bişer-bişerde.

Ýöremese galamym,
Umyt bilen garaşyň.
Ýüregimde ýalynym,
Jöwen bişer-bişerde.

Henizem aýdylmadyk,
Kalbymda aýdymlarym,
Men senden aýrylmaryn,
Jöwen bişer-bişerde.

Güneşsiz goýmaň meni,
Goý galaýyn daşarda.
Kökümden ýolmaň meni,
Jöwen bişer-bişerde.

(Gökdepe 17.08.2023)

© Gerçeknazar AMANNAZAROW.

File engine/modules/thanks.php not found.