Sümbül saçy bürme bürme,
Garlawaç gaşyňda sürme,
Sensiz maňa ömür türme,
Ýüregimiň ýarydyla ,
Sen gitmejek ýalydyňla.

Ýaşlygymy gurban edip,
Galdym ýene arman edip,
Täze ýola perman edip,
Terk etmejek ýalydyňla,
Sen gitmejek ýalydyňla.

Seni küýsäpler mydama,
Keşbiň çekip hakydama,
Öwrülipler Hak pidaňa,
Seň yşgyňda dälidimle,
Sen gitmejek ýalydyňla.

Gelip toýdur ýaslarymda,
Gülüp kemi köstlerimde,
Kalbym ýakan dostlarymdeý,
Senem meni alladyňla,
Sen gitmejek ýalydyňla.

Yşk dünýämi örtdi duman,
Aýralykda geçmez zaman,
Göwnümde galdyrman güman,
Meni ýüpsiz bagladyňla,
Sen gitmejek ýalydyňla.

Uçar guşlar dolandylar,
Sowuk gyşlar dolandylar,
Duýgularmy dillendire,
Ýana ýana agladymla,
Hiç gitmejek ýalydyňla.

Süleýman Tekäýew

File engine/modules/thanks.php not found.