Ýalňyzlygyň derdin egnimde çekip,
Ýeke özüm bu gün gözýaşlar döküp,
Geljek ýolllaryňa intizar bakyp,
Seni küýsänimi sen bir bilsediň.

Ýatlamaň düýpsüz ummanyn boýlap,
Nede ukym tutýa ýar seni oýlap,
Gije ýyldyzlara derdimi söýläp,
Seni küýsänimi sen bir bilsediň.

Erkinligi küýsän zyndanbent ýaly,
Diňe sen tarapa çekdim men ýoly,
Ýüregim arzuwdan umytdan doly,
Seni küýsänimi sen bir bilsediň.

Gözlerime uky gelmez gelmeseň,
Eda boldum gelip habar almasaň,
Men nädeýin çekýän derdim bilmeseň,
Seni küýsänimi sen bir bilsediň.

Umytlarym manat deýin sowurdym,
Bir boşlukdan doldurdym men owurdym,
Yşgyň hijranynda ýakdyň gowurdyň,
Seni küýsänimi sen bir bilsediň.

Ähli zat gyzyksyz sebäp men sensiz,
Bilemok sen weli oňýaňmy mensiz,
Garaşmak uzaga çekdile çensiz,
Seni küýsänimi sen bir bilsediň.

Süleýman Tekäýew

File engine/modules/thanks.php not found.