Türkmenistanly türgen Döwletjan Ýagşymyradow häzirki wagtda çykyş edýän “Bellator” ýaryşynyň çäginde nobatdaky tutluşygyna çykdy. Onuň nobatdaky tutluşygyndaky garşydaşy polşaly Maseý Ružanski boldy.

Ýarym agyr agramdaky tutluşyk ABŞ-nyň San-Diego şäherinde “Bellator 300” ýaryşynyň çäklerinde boldy. Bu tutluşykda türkmen türgeni garşydaşyny emin agzalarynyň çykaran netijesi bilen 30-27, 29-28, 29-28 hasabynda ýeňdi.

34 ýaşyndaky Döwletjan Ýagşymyradow “Bellator” ýaryşynyň çäklerinde 3-nji ýeňşini gazandy we olar umumylykda 18-nji ýeňşini baýram etdi.

Mälim bolşy ýaly, Ýagşymyradow şu ýylyň martynda “Bellator 292” ýaryşyň çäkerinde emin agzalarynyň çykaran karary bilen litwaly Žulias Anglikasy ýeňmegi başarypdy.

34 ýaşyndaky Döwletjan Ýagşymyradow 2020-nji ýylyň dekabrynda “Bellator” ýaryş gurnaýjy kompaniýasy bilen şertnama baglaşypdy.