Tüweleme, örüsi gün-günden giňeýän saýtymyz 7 ýaşdan 87 ýaşa çenli bolan ildeşlerimizi wirtual saçagyň daşyna jemleýär. Dürli ýaşly agzalar bolansoň, dürli dünýägaraýyşlar, çapraz düşünjelerem gabat gelmegi mümkin, bu adaty ýagdaý. Ýöne şu adatylygyň içinde adatdan daşary sylaşykly, sypaýyçylykly, uly-kiçiň göwnüne degmän ýaşap ýören bir agzamyz bar. Trend gepleşigimiziň uzak garaşylan brend myhmany hanym @Rigel.
Garaşylmadyk we biynjalyk edýän soraglar üçin öňünden ötünç soraýan.
1. Özüňiz barada gysgaça gürrüň beräýiň. (awtobiografiýa).
2. Aýdym aýtmak bilen gyzyklanýanyňyzy eşidipdim daş gulakdan, köpräk halk aýdymlaryny aýdýarsyňyzmy ýa-da estrada?
3. Hindi kinolar bilen araňyz nähili?
Jüýkburun oglanlaryň gyzlaryň arasynda has köp söýülmegine Şahruk han sebäp diýýärler, şo çynmyka?
4. Öňler ylym bilen baglanyşykly duýguly bloglar açýardyňyz, bu günler nämeler bilen başagaý?
5. Şahsy durmuşyňyz barada gürrüň beräýiň. (Siziň üçin daşky sypat näderejede möhüm?).
6. "Kiçi söýgi toýlar bilen tamam bor,
Uly söýgi köýer ahyrzaman bor"
diýipdi Türkmenbaşy.
Ylalaşýaňyzmy? Näme üçin?
7. Islenen bir döwlet bolsady @Rigel onda kim bolardy?
8. Ötünç soramany halaýaňyzmy? Bagyşlamany nä?
9. Özüňizi haýsy multfilm gahrymanyna meňzedýärsiňiz?
10. Dünýädäki ähli zatlar alsaň azalýa ýa kiçelýär diýýärler? Eskimoslaryň pikirine görä aldygyňça köpelýän zadam bar eken. O nämekä?
11. Kitaphana gatnamak zerurlykmy ýa-da gyzykly güýmenje?
12. Gije ýeke özüň öýde užas kino görüp otyrkaň swet öçdi (tok söndi). Siziň hereketiňiz?
13. Üç aýakly öý haýwanyny saklap gördüňizmi?
14. Zenanlar erkeklere garanyňda hilegär (ylalaşmanam bilersiňiz ýöne bu fakt, öýkelemezlik şerti bilen, elbetde) bolýarlar. Muny bir ýerde öwredýärlermi ýa özüňiz bilýäňizmi?
15. Agzalara başga-da hökman aýtmaly diýip hasaplaýan zatlaryňyz barmy?
16. Goý Siziň janyňyz sag, başyňyz dik bolsun, ata Watanymyzyň iň şadyýan, bagtly zenanlarynyň biri boluň.
17. Agzalar sizem özüňizi gyzyklandyrýan soraglary sorap bilersiňiz, sag boluň!