Men bir täsin ýaradylan,
Öz demime hopugyp ýörn.
Perwana deý ataş görsem,
Yşkdyr öýdüp topulyp yörn.

Babam Gammar senediniň,
Teşnesi men aňyr başy.
Göwnüm heýjan toý-tomguda,
Bagşy çalsa "Goňurbaşy".

Gözleglerim täsin juda
Tümlükde yşyk gözleýän.
Gün içinden gara tegmil,
Harabadan köşk gözleýän.

Entek tapdym-a diýjek däl,
Belki taparyn geljekden.
Tapmasamda olar hakda,
Bir zatlar ýazyp biljek men.

Maňa artyk zat gerek däl,
Diňe bolsa kagyz syýa.
Men bir küýze kemsiz bişen,
Külalymam poeziýa.

ÝUSUP MEREDOW

File engine/modules/thanks.php not found.