Mertler diñe mert ärlerden dörärmiş!
Namart dost arkañdan naýza gezärmiş.
Nämä ýarar?!Ýüzi görkli bezenmiş
Ýüreginde iman nury bolmasa?!

Toýuñ ýaraşygy gyzdyr gelindir
Çölüñ ýaraşygy sazak selindir.
Awçynyñ hiç zat gelmez elinden
Ýanynda ýaragy däri bolmasa!

Gyş gelse daglaryñ gary görüner,
Müñküre ak süýdem sary görüner,
Goç ýigitler kemli ýaly görüner,
Öýüniñ töründe ýary bolmasa!

Gözi aç müñ dürli nygmatdan doýmaz
Ogry garrasada kärini goýmaz.
Daýhanyñ der döken zähmeti oñmaz
Gyşynyñ aýazly gary bolmasa!

Ajal sorap gelmez seniñ ýaşyñy
Ýetimden,garypdan bukma aşyñy
Ýumşajyk ýassyga goýma başyñny
Goñşyñ sacagynda nany bolmasa!

Wepaly dost ýaly bolsada syrdaş
Oky çenäp atar ýaman garyndaş.
Bir çemçe ganymy gecewer gardaş
Ýazan sözlerimde many bolmasa!
Awtor:Nurekowa Gülnäz

File engine/modules/thanks.php not found.