Lezzetli, ezýetli, minnetli sensiñ
Gapýarsyñ gözlerden garagy sen pul
Kimseler ýaşabam bilmeýär sensiz
Arzuwy,umydy,ýüregi sen pul

Señ syryña düşünemok heniz men
Kimler üçin ýigrenji sen ejiz sen
Kimler üçin ýoldaşyndan eziz sen
Baladan bar zatdan geregi sen pul

Kimseleriñ daýanjy sen diregi
Kimseleriñ namazdan soñ dilegi
Garyplara bermeseñde çöregi
Tapýarsyñ baýlara aragy sen pul

«Pul»diýip diñmeýär enäñ nalasy
«Pul » diýip gidýändir gyzlañ namysy
«Pul»diýip gyrylýar ynsan balasy
Aldyrýañ ellere ýaragy sen pul

Besdir mundan artyk ýazyp biljek däl
Mundan artyk kalbym ezip biljek däl
Sen barada ýazýan diñe Gerçek däl
Köpleriñ dessany dilegi sen pul