Garyşyk söweş sungaty boýunça türkmenistanly türgen Döwletjan Ýagşymyradow şwesiýaly Karl Albrektsson bilen “Bellator 268” ýaryşynyň çäklerinde duşuşdy.

Bu tutluşykda “Korol” lakamly Karl Albrektsson ýeňiş gazanyp, özüniň ýeňişli ýollarynyň ýene-de bir basgançagyna çykdy. Ol eminleriň biragyzdan kabul eden çözgüdi esasynda ýeňiş gazandy. Eminler topary 29-28, 29-28, 29-28 ballyk netije çykardylar.

Şwesiýanyň metbugatynyň habarlaryna görä, şwed türgenine bu ýarym agram tutluşygynda ýeňiş gazanmak ýeňil bolmady. Her iki türgeniň hem özüniň gowy mümkinçilikleri boldy. 3 döwden ybarat ýaryşyň dowamynda her iki türgen hem ýeňiş gazanmak üçin tagalla etdi.

Iki türgen hem “Bellatoryň” ýeňil agramly synpynyň häzirki wagtda näderejede ýokarydygyny görkezýän täsirini görkezdi.

Ýöne, ýeňiş gynansak-da şwed türgeniň paýyna düşdi. Üç gaty kyn tapgyrdan soň, eminleriň hemmesi 29-28, 29-28, 29-28 sanlary bilen ýeňşi Albrektssona bermegi saýladylar. “King” Karl şeýlelik bilen dört ýeňiş gazandy.

Bu tutluşyk ABŞ-nyň Arizona ştatynyň Finiks şäherindäki «Futprint Sentr» arenasynda geçirildi.

Bilşimiz ýaly, ildeşimiz Döwletjan şu ýylyň aprel aýynda hem “Bellator” ýaryşynyň çäklerinde amerikaly Kori Andersondan hem ýeňlipdi.

Şwesiýaly Karl Albrektsson 15 tutluşyk geçirip, 12-sinde ýeňiş gazanyp, 3 gezke ýeňildi.

Ildeşimiz Döwletjan Ýagşymyradow 26 tutluşyk geçirip, 18-sinde ýeňiş gazandy. Ol 7 tutluşykda ýeňlip, 1-inde deňme-deň netije gazandy.