Salam gowumy ýagdaýyňyz?! Şu soragy öň Talyplarda-da sorapdym welin, şu ýerdäki agzalaryňam pikirini bilesim gelýändigi üçin soraýyn diýdim. Sorag şeýle:
Bir gün irden öýüňizden işe diýip ylgap barşyňyzy göz öňüne getiriň. Iş ýeriňize takmynan 300 metr töweregi galanda sagadyňyzy barladyňyz we her gün 8: 40-da başlaýan işiňize öýden 8 minut giç çykanyňyzy pikir ediň. Eger işe gijä galsaňyz, aýlygyňyzdan kesiler, hemde geçen aý bolşy ýaly bu aý hem kwartiraňyzyň tölegini töläp bilmersiňiz we gödek öý eýesi tarapyndan öýden kowulmagyňyz ähtimal. Çalt ýöräp barýarkaňyz, birden çaganyň aglaýan sesini eşitdiňiz. Ilkibaşda illýuziýa diýip pikir etseňizem, sesiň birneme uzakda zibil gabyndan çykýandygyna düşündiňiz. Soň bolsa, şol tarapa baryp, gapagyň gapagyny açanyňyzda, agyr ýaralanan, gan ýitiren we gyssagly hassahana äkidilmeli çagany gördüňiz. Daş-töwereginde hiç kim ýok we ylgasaňyz 10 minutda ýetip boljak hassahana bar. Iki wariant bar. Ýa çagany ölmegi üçin taşlap işe gitmek üçin goýýarsyňyz, ýa-da çagany hassahana äkidip, öýüň tölegini gijikdirýärsiňiz, belki-de öý eýesi tarapyndan öýden kowularsyňyz.

Şeýle ssenariýada köp adam ikinji warianty saýlardy. Sebäbi köp adam üçin çagany ölmek üçin taşlap gitmek ahlak taýdan oňaýsyzlyk, öýsüz bolmakdan has erbetdir. Indi soragymyza geleliň. Üns beren zadyňyz ýaralanan çaga däl-de, ýaralanan garga bolsa, öýsüz bolsaňyzam, gargany şol aralykda mal lukmanyna äkiderdiňizmi?