"DERTLILERIŇ DERDINE..."

Dertlileriň derdine
Derman bolmaga geldim.
Dilsizleriň dilinde
Perman bolmaga geldim.
Diňe ynsaba nöker,
Gybatyň ýanynda ker
Ýeke belgisi bolan
Bir san bolmaga geldim.
Kalbymy ele alyp,
Elimi gora salyp,
Öz durýan bahamdan has
Arzan bolmaga geldim.

Öňküden ýeňil gopar
Gussamy duýan kişi.
Sözüme uýan gorkar
Bolmakdan juda kiçi.
Aňymda ajy ölüm,
Serhetsiz boşluk öňüm,
Ýöne ýersiz zeýrenip
Gynandyrman hiç kimi.
Nazar salyp asmana,
Daýanyp baky jana,
Bir pursatlyk göwrede
Aýan bolmaga geldim.

Orazgylyç ÇARYÝEW.