Gara ýeriñ üstünde,
Gök asmanyñ astynda.
"Heleý" diýilýän sözi
Kim tapdyka aslynda?
...
Ol sözi ilki tapan
Ne-hä daýhan, ne çopan
Diýýärler ilki sapar
Ol gödek sözi tapan
Kyrka çenli kyrk sapar
Öýlenen Yekegapan
...
Gyzyl göz Yekegapan
Han ogly Yekegapan
Gujagna getirlende
Garyp gyz Ogulsapar
Onuñ adyn tutmagy-da
Kemlik sayyp özüne
"Bärik gel-eý" diýenmiş
Öz öýlenen gyzyna.
...
Şeýdip ýüwaş-ýuwaşdan
Üýtgeşip "gel-eý" sözi
Gara günli ülkämizde
Döränmiş "heleý" sözi.