Ne beýle ir oýanypsyñ, eje jan,
Üşän gyşyñ gagşap barýar eñegi.
Dil bilen däl, köñül bilen pyşyrdap,
Edýärsiñ Hudaýdan ýagşy dilegi.

Üşäñokmy?
Gijäñ gerşinde gyraw,
Aýaz penjeläpdir gyş ümsümligin.
Eginlerin sallar otyr baglarmyz,
Agramyndan ýaña sowuk tümlügiñ.

Bagtly ýaşamaga haklydyr juda,
Seždeden soñ özün bagtly saýan.
Köñül pyşyrdyñy men eşdip durun,
Eşidýän dälmidir eýsem, Hudaýam?!