Öňki döwürlerde bir kör we bir ysmaz adam goňşuçylykda
ýaşapdyr. Şol golaýdaky bir adam bularyň gündelik iýjek-içjegini
üpjün edip durar ekeni. Bir gün howandar adam dünýäden ötüpdir.
Bu iki biçäre hem hiç kimiň ýadyna düşmändir. Ahyry olar oturyp,
bir pikire gelipdirler. Kör adam ysmazy boýnuna mündüripdir. Ysmaz
adam oňa nirelere, nähili ýöremelidigini salgy beripdir. Şeýdip olar
ýollary söküp, özlerine ölmez-ödülik gazanypdyrlar. Bu ýerdäki kör
adam takdyrdyr. Ysmaz adam bolsa, zähmetdir. Yhlasly zähmet bilen
nirä barjagyny bilmeýän takdyry gerekli ugra gönükdirip bolýar.