Magtymguly Hywadaky «Şirgazy» medresesinde okap ýörkä,
şäher köçeleriniň birinden bir ýana barýan eken. Şonda hanyň
ýasawullarynyň bir topar ýesiri gamçylap, sürüp barýanlary
ny görýär. Magtymguly olara garap, barmagyny dişläp durýar,
ýesirlere rehmi inýär, emma näme etjegini bilmeýär-de:
Gyýmazlykdan bir söz diýdim baýakda,
Garaw bardyr ýersiz urlan taýakda,
Zalymlar har bolar, galar aýakda,
Garyp, sen ýyglama, şir dek bolar sen!
— diýen goşgusyny düzenmiş.