Bu bâş gûnlûk ömür berlen dünyede,
Agramyma göra gymmatym bolsun.
Ne many bar baylyk toplap yörmede,
Akyl-parasatym,hümmetim bolsun.

Yzymdan gepimi etmesin dostum,
Ynsan balasynda bolmasyn kastym.
Maslahat-geñeşde sözlâyin rastym,
Mârekâ baramda hormatym bolsun.

Saylanmayyn,gezeyin il deñinde,
Eselmäýin peslik bardyr soñunda.
Gysylmaýyn myhmanymyñ öñünde,
Saçak yazsam,doly nygmatym bolsun.

Ynansalar dünýä malyny maña,
Ynsaby nebsimden goýmaýyn soña,
Hergiz,şöhrat üçin çykmaýyn öñe,
İl-halkyma çyndan hyzmatym bolsun.