Daýy, daýza, ýegenler,
Bu ýyl göwne degenler,
Ýakyn, alys doganlar,
Köpräk içip "doňanlar".
Hem-de öýkeleşenler,
Biraz agzy bişenler,
Işçi, daýhan, çopanlar,
Işden rysgal tapanlar.
Garaz ýene-ýeneler,
Mährem ata-eneler,
Ýagşy-ýaman hemmeler,
Ýyllar hemme deň geler!
Emma deň gelmez bagt,
Kime karz, kime nagt,
Nagtdan paýly boluň,
Maşynly jaýly boluň!
Kalba arzuw düwüler,
Goý, galňasyn jübüler,
Galňamasyn ýüzümiz,
Aç galmasyn gözümiz!
Gitsin gamly-gussalar,
Gitsin ýürek gysmalar,
Diý alada "Hoş indi!"
Ýyllar gelsin Düşümli!