Gyz durmuşa çykarylanda, oňa bir jübüt tabak, bir jübüt çemçe berlip, durmuşynyň elmydama doly bolmagy arzuw edilýär.



* * *

Gudaçylyga çarşenbede ýa-da şenbede gidilse, şowly bolarmyş.



* * *

Gyzlar tikin tikende sapagyny uzyn sapsa, daş ýere, gysga sapsa, ýakyn ýere durmuşa çykarmyş.



* * *

Nesilme- nesil geçip gelýän sallançagy hiç kime başbitin bermek bolmaýar.



* * *

Saçlary buýra- buýra çaga ot ýaly dogumly bolarmyş.



* * *

Agşam külüň üstünden geçmek gowulyga ýorulmaýar.



* * *

Kimdir biriniň kemisligini ýaňsa alyp, üstünden gülseň, özüň hem kemisli bolarmyşyň.



* * *

Nahary çommalyp iýseň, berekediň gaçarmyş.



* * *

Köýnek biçip otyrkaň ýadasaň, galan mata bölejigini sag eliňe daňsaň, aýrylarmyş.



* * *

Hamyr syçrasa, öýe myhman gelermiş.



* * *

Bitin çöregiň iki tarapyndan döwseň rysgyň gidýär diýlip yrym edilýär.



* * *

Çöregi düňderip goýmak bolmaýar.



* * *

Çöregi döweniňde, iki eliň bilen döwmeli.



* * *

Çöregiň, saçagyň üstünden ätlemek bolmaýar.



* * *

Hamyr edilende kendirigi kim ýazsa, şol kişi hem ony ýygnamaly diýlip aýdylýar.



* * *

Toýa jüp, ýasa täk çörek alnyp gidilýär.



* * *

Tamdyryň, saçagyň, ojagyň , harmanyň ýanynda saçyňy daramak, dyrnagyňy almak günä hasaplanýar.



* * *

Saçagy asla boş goýmaly däl. Onuň içinde, iň bolmanda, bir döwüm çörek bolmaly. Ýogsam saçak gahatçylyga garaşarmyşyn.





Jahan Ýaýliýewa

Türkmen döwlet binagärlik gurluşyk institutynyň talyby.