Ata hormat Tañra hormat goýmakdyr,
İr-agşam salamyñ goýmagyn oglum.
Ene Käbe Tañryñ öýi diýmekdir,
Keramatyn egsik saýmagyn oglum!

Bilmek wajyp ýedi arka,eždadyñ,
Aslyña hormat goý tanagyn adyñ,
Özüñ gazan abraýyñ, şöhradyñ,
Satsalar pul berip almagyn oglum!

Päk adamyñ ogly, gyzy, aýaly,
Ak iman gazanar bolsa haýaly,
Ýygra ýigdiñ köýer arzuw hyýaly,
Artykmaç utanjañ bolmagyn oglum!

Aga Teke aýdar dogryñ sözlegin,
Kemsitmegin, kemsideniñ düzlegin,
Haka uýup hakykaty sözlegin,
Söz berip lebziñden dänmegin oglum!

AGA TEKE