16 ýaşly hindistanly küştçi Rameşbabu Pragnanandha onlaýn geçirilen ýaryşda bu ugurda dünýäde birinji bolan Magnus Karlseni ýeňmegi başardy. Norwegiýaly Karlsen uzak wagtdan bäri küşt boýunça dünýä çempionlygyny elinde saklaýardy. 31 ýaşly Karlseniň häzire çenli bäş çempionlygy bar. Karlsen ilkinji dünýä çempionlygyny 2013-nji ýylda alypdy. Pragnanandha şondan bäri Karlseni ýeňen iň ýaş küştçi boldy. Norwegiýaly küştçi mundan ozal hindistanly Wiswanathan Ananddan hem-de Pentala Harikrişnadan ýeňlipdi.