Çöwrüp geýäýmeseň inni dünýäni
DÜzüw ýüzä geýer ýaly bolmady.
Bir gidäýseň, höwes edip ýaňadan
Soň öwrülip geler ýaly bolmady.

Bu eýýamda dogryň haýsy rastyn kim
Azaşan kim, ýalňyşan kim, dostyň kim,
Hossaryň kim, duşmanyň kim dossyn kim,
Aýyl-saýyl biler ýaly bolmady.

Dünýäň özem aljyraýar bu günler
Kine doly, kituw doly göwünler,
Şeýle bir çigşipdir, çiglen düwünler,
Çapaýmasaň çözer ýaly bolmady.

Deňizler-ä galkdy, joşdy derýalar
Kimler saga, kimler sola barýalar,
Aglasaň gülýäler, gülseň urýalar,
Aglar ýaly, güler aly bolmady.

Derdimiz kän haýsy birin aýdaýyn?
Dünýäm, meňkiden-ä kyn seň ýagdaýyň,
Seni munda goýup, gidip arkaýyn
Umyt bilen öler ýaly bolmady.

Awtor: Atamyrat Atabaýew