Ýanyňdaky bolubersin kim bolsa,
Diňe ýürekdäkiň bilen garrarsyň,
Hemem ýatlap,geçen öňki günleri,
Gözüň ýaşlap,öz-özüňe gargarsyň.

Şol pursat özüňi ýalňyz duýarsyň,
Kirpikleriň gussaň bilen eziler,
Ýanyňda kim bolsun,tapawudy ýok,
Emma ýürekdäkiň bilen geziler.

Şadyýansyň,şatlanarsyň sözüm ýok,
Emma gije ýene hasrat düzüler.
Bir ýyljak gujakda ýatanam bolsaň,
Hyýalda ýürekdeş bilen geziler.

Haýsy sebäp aýra saldy parhy ýok,
Diňe şonuň üçin goşgy düzüler,
Sen bireýýäm ondan dönenem bolsaň,
Şonda-da ýatlama bilen geziler,

Ýürekdeş bolalyň,ýananlar bilen,
Ýogsa ömür geçýär ýalanlar bilen.

Awtory kimdigini bilýän bolsaňyz maňa-da aýdaýyň!