Senden etjek meň ýekeje haýyşym
Gitsene öz guran dünýäňe tarap
Ýalbarýan ezizim örteme meni
Git menem aglaýyn yzyňdan garap

Git günämi ötmegimi haýyş etmede
Git meni öň taşlap gidişiň ýaly
Ähli ýazyklary boýnuňa alma
Ýaşaýyn günäläp ýaman ykbaly

Sen owadan gözleriň güldürme
Ýogsa dura bilmen agydan ýaňa
Häzir meň ýadyma düşenok, söýgi
Ýigrenç ody ýanýar kalbymda saňa

Gitsene ykbalyň ýowuz aldawy
Git täleýime ýazylmadyk ataşym
Saňa berer ýaly söýgim ýok bilseň
Arzuwlarym giden günüň çat açdy

Ýok, men seni bagyşlara gurbum ýok
Indi saklanmaryn seniň ýanyňda
Öň kalbymdan zyňyp taşladym seni
Senem indi çykar meni ýadyňdan