Eý Hudaýym bir dilegim bar senden
Ilki başda bu maňlaýym şor etme
Gül ýüzün soldyryp gül ýaly gyzyn
Bir namardyn duz-aşyna zar etme.

Ysnat getirmaýin ene-atama
Wagtynda düşünsem eden hatama
Üýtgemän bir bolsyn durkym mydama
Bir gün hazan , bir gün bolsa har etme.

Görünjek bolmaýyn bolşymdan artyk
Il bähbidi üçin ylgaýyn ýortup
Topragy söýeýin ýüzüme sürtip
Hassa halyn gijikdirip soratma.