Sen meni däl, goşgularmy söýüpsiň,
Goşgulamda gözleň balkyldanokmy?!
Duýgym inçe dälmi billeriň ýaly,
Seň ýüpek saçlaryň gül ysy ýokmy?!

Sen meni däl, goşgularmy söýüpsiň,
Eşdeňokmy ýüregimiň ahyny?!
Goşgularym maňa meňzemeýärmi?
Goşgularym meniň özüm ahyry!

Sen meni däl, goşgularmy söýüpsiň,
Eý, didämden uçan dilber, gara ber!
Seň bilen durulan ýekeje pursat
Sensiz geçjek tutuş ömre barabar.

Pukara bosagaň guly bolaýyn,
Müň bizar men aýralygyň tagtyndan.
Men seni ýitirip şahyr bolaryn,
Gora meni şahyr bolmak bagtyndan.


Gurbandurdy ORAZOW