Çözmesi kyn bolan sowala meňzeş
Ähli hereketiň, syrly garýşyň.
Ýüregiňem buz deý sowana meňzeş
Hem üýtgeşik, serbim, saçyň daraýşyň.
Ýa diňe meň üçin syrly-ezizmi,
Beýleki gyzlardan seniň ýöreýşiň.

Synaýaňmy bu öwrümli ýollarda
Söýgä parhsyzlygyň synagyňmy ýa?!
Synlaýaňmy?
Käte sereden çagyň
Men seni ýüzüme sylaýynmy ýa?!
Dillen, seň söýgiňe nädip ýeteýin?!
Agyr synaglaňda synaýaňmy, ýar?!

Ýüregiň buz deýin sowan-da bolsa,
Çözmesi kyn bolan sowal-da bolsa,
Käbir aýtjaklarmy diňle sen,
Bilseň –
Owadanlaşýarsyň ýylgyrsaň, gülseň.
Käte söýgi hakda aýdym diňleseň,
Islemeýän ýaly sazyň diňmesin,
Nämüçindir gamgyn bakýaň uzaga.
Şo hal seni şeýle içgin synlaýan
Söýgä biparhlygňa hiç ynanmaýan!

Aşyklaryň aýdymyna hiňlenip
Öz göwnümi özüm awlap gezýärin.
Ýüzýärin çelgisiz deňizlerde men,
Ah, şonda-da görmersiň sen hiç haçan
Üzýänim meň bu söýgüde umydym!
Çünki seni çyn ýürekden söýýärin!
Şonuň üçin elmydama özümi
Sowyk gyşda buz deý sowana meňzeş
Çözmesi kyn bolan sowala meňzeş
Ýüregiňde, dideleňde görýärin!

Sanjar ATAÝEW.