Bilýäñizmi näme,men şeýle bir baý!
Genji-kän ýygnadym depseñ yranmaz,
Geliñ,görüñ,kiselerim hyñ berýär
Şübhelerden uzak,synmaz ynamdan.

Kitaplaryñ gatlarynda ýelk ýasap,
Dür deý söz üýşürdim.
Gyýylman asla
yssy söze aja şam bolsun bary.
Işdämenlik bilen kisäme saldym
Minnetdarlyklary,sagbolsunlary.

Duşdan geçenlere berýärin salam,
Çöpläýärin arman ýylgyryşlaryn.
(Entek,duruñ,köpelibiýr assadan
Gülki toplamaga ýañy başladym).

Ýüregime ýakynlarym,dertdeşler,
Hossarlar,dost-ýarlar
Ählijesinden
Söýgi ýygnaýaryn çuwal-çuwaldan.
Kindiwanja dünýäm,sap kalbym içre
Olaryñ barlygna neneñ guwanman?!

Umydymdan şaýol gurdum.
içinde
Keýpim göterilýär azaşdygymça
Baýlygym bar,özgeleriñ tersine,
Artyp gidip barýan paýlaşdygyñça.

Oñat eken her paýlaşan närsäñde
Öñküdenem beter kisäñ galñasa.
Owal-ahyr ýygnanlarym apalap,
Saklap ýörün göwün atly gaznada.

Mahym NURGELDIÝEWA.