Essalamu aleýkum hormatly şu sözleri okaýan ynsan! Saýtda şowhunly geçirlip gutarlan, döredijilik bäsleşigi tamamlananam bolsa emotsiýalary entäk dowam edýär. Men hem öz gezegimde "Geljekden bir gün" atly (eser diýmägehä dilim baranok, döredijilik diýsemem birhili) syýa çyrşan listimi (şu ýerde-de näme diýjegimi bilemok, hödür edýän diýsemmikä) ünis berýänleriň, ünis merkezine ýelmeşdirjek. (Ýelmeşdirjek diýen bolup stena aboý urýansyň)

Geçirlen döredijilik bäsleşiginiň käbir kemçilikleri barada gysgaça öz pikrimi aýdyp geçsem (Hiçkim pikrimi soramadyk bolsa hem) Eger ýalňyşmaýan bolsam (Ýalňyşamda sögjek bolupduran bamy) beýle uly bäsleşik bu saýtda birinji gezek geçirilýär. Birinji gezek edilýän her bir işde hem kemçilik bolýandygy dogry düşünmeli zat. Bu käbir kemçiliklerden nägile bolýanlara degişli (Şonuň üçin sözlerimi kankretny özüňize çekip bilýäňiz) Beýle bäsleşikleri dowamly tertip ýygy-ýygydan bolmasa hem her wagtrak geçirip durmaly, şeýlelikde käbir kemçilikleriň üstinde hem işleniler, galamynyň ujyny uçlamaga ýaltanyp ýörenlere hem dürtgi bolar. Şonuň üçin bäsleşik gurnaýjylary sussuňyzy peseltmäň, iş bar ýerde kemçilik hökman bolar, gymmatly wagtyňyz sarp edip okanyňyz üçin minnetdar! (Nirden gymmat bolsun, gaýtam bir tiýne gymmat) Sag boluň...