Salam! Asmany asuda, ili abat, ýüzleri nurly, ýigitleri namysly, gyzlary haýaly, kalplary joşgunly, berdaşy mizemez, çydamy synmaz, halal, zähmetkeş watandaşlar! Siziň rysgally ojagyňyzdan halallyk, bereket egsilmezligini diläp, mowzuga başlaýas. Bu gün saýtymyzyň şahyry, ýazyjysy, aýdymçysy, umuman durmuşy döredijilige ýugrulan ajaýyp agzasy Aksary bilen "Massimus production" her gün özlerini selfie düşürip ýadamaýan owadan, näzik, utanjaň "erkekleri" dogry ýola salmak we olaryň zenanlardan tapawutlydygyny (erkek kişä owadanlyk gerek däl, ony ýolda görende eşek ürkmese boldy) wagyz etmek merkezi söhbetdeşlik gurnar. Düzgünlerimiz şol öňki. Islemeýän soraglaryňyza jogap bermän bilýäňiz!
1. Özüňiz barada gysgaça gürrüň beräýiň. (awtobiografiýa).
2. Siz döredijiligiň köp görnüşlerinden professional baş çykarýan adam hökmünde haýsy görnüşini özüňize has ýakyn hasaplaýaňyz?
3. Durmuşyňyzy täzeden başlamaly bolsa nämeleri üýtgederdiňiz?
4. Sizi terbiýeli, sylaşykly ynsan hökmünde tanaýaryn. Ýersiz ýere göwnüne degeniňiz üçin, ötünç soramak isleýän adamyňyz barmy?
5. Şahsy durmuşyňyz barada gürrüň beräýiň.
6. Söýgi bu......
7. Sizi şu derejä ýetirendigi üçin ene-ataňyzdan başga ýene kimlere minnetdarlyk bildirmek isleýärsiňiz?
8. Ýazyjy Mark Twen: "adamzadyň döreden ideallarynyň hemmesi oýlanyp tapylandyr" diýýär. Siz muň bilen ylalaşýaňyzmy? Siziň idealyňyzdaky gyz (zenan) nähili bolmaly?
9. Agzalara başga-da hökman aýtmaly diýip hasaplaýan zatlaryňyz barmy?
10. Geljekde has meşhur bolsaňyzam, toýuma hem aýdymçy, hemem arzyly myhman hökmünde çagyrsam gelersiňizmi?
11. Özüňiz aýdymçy hökmünde häzirki moda bagşylaryň (olara moda diýilýämi, bilmedim, "däli, däli, etdiň meni, däli, däli", "söýgülimiň dodagy bal ýaly (ynanmasaňyz dadyp göräýiň)", "çörek ursun, alla bar, biwepa, garagyň aksyn, meni taşlap saýlanyň senden ara gaçsyn, içip oturan kofeňe gözüň gaçsyn", "janita, panita, kançita") aýdýan aýdymlaryna (eger olara aýdym diýip bolýan bolsa) nähili baha berýärsiňiz?
12. Goý Siziň janyňyz sag, başyňyz dik bolsun, döredijilik ýolunda Size uly-uly üstünlikler arzuw edýärin, hemişe şeýle pozitiw, akýürekli boluň!
13. Agzalar sizem özüňizi gyzyklandyrýan soraglary sorap bilersiňiz we indiki sanymyzda haýsy agza bilen ýakyndan tanyşmak isleýärsiňiz?