Sen gitdiň, galdy ýürekde
Seň adyň dakylan söýgi.
Ýakymly zatdy ýüpekden
Seň adyň dakylan söýgi.

Iki ýyl geçdi tegelek,
Ýürek bor bir gün kebelek,
Henizem edýär ot-elek
Seň adyň dakylan söýgi.

Ömür ölçegli berilýär,
Ýürek sen diýip urunýar,
Maňa sen bolup görünýär
Seň adyň dakylan söýgi.

Ýürege jüňkdi nä diýse,
Mynasyp sözdi hadysa,
Bolupdy uly ha:dysa
Seň adyň dakylan söýgi.

Söýgi bizmi, gelmişekmi?
Bar onda adamyň şekli,
Menem yşka meňzeş etdi
Seň adyň dakylan söýgi.


Italmaz AKMYRADOW