Kelesinden porsap başlaýar balyk,
Ynsan serem dykyn çüýrük pikirden!
Çig süýt emen,
paýhasy kem halaýyk
Delalata garaşyp ýör ýokardan.

Dünýä bulam-bujar: haýru-şer dürşde!
Memleketde kastyň näme, peleg-ä?!
Wah, gulalagüllük bolanda arşda,
Heý, dünýe ýetermi beýle derejä!

Zemin pidasydyr puluň hem peýdaň,
Garaşmaň asmandan geljek gowluga.
Atamyz behiştden kowduran şeýtan,
Heý, Ýerde gün biýrmi Adam kowmuna!..
1981 ý.

Nobatguly Rejebow