GEL!



Gel!

Hoş geldiň!

Geleniň geliş bolsun

ymykly,

çakylyksyz

kör-köpüksiz gel!

Gerekmez dünýäň dollary,

köňlüň imanly gel,

kalbyň tobaly,

dirikäm gel

barka içimde janym.

agmanka gäbim.

bozman ata-babalarymyň däbin.

berip : "Hoş geldiň, Garybym"-yň häsin.

ýüzüne köz degmedik ykbalyň

ýüzün-gözün sypalap-sypalap gel,

çaltyrak gel.

garrap gitdim.

zeleli ýok

mynasyp garradym

ýapraklar saralsa,

meniň saçlam agardy.

gyşa meňzedim,

jigerim tomsa meňzeýärdi.

Men Leýlidim,

şol garaja Leýli.

hiç gyzdanam üýtgeşik däl Leýli.

Mežnunymyň-seň gözlerňe

ähli güllerden,

ýyldyzlardan,

gyzlardan



owadan

ýagty

mähriban Leýli.



seň obaň garynjalary -

meň garyndaşlam.



meň obamyň köpekleri -

seniň dostuň.



gel,

geliber,

çekinme

kürtdüräýme täleýime

gorag perde çekilende.

ikimize synagdyr ol.

synagyna döneýin

Sadagasy boldugym.

ýüregime döneýin

saňa garaşan.

ukuda bolsaň

oýanyp gel.

huşda bolsaň

düýşe öwrülip gel.

Ýalňyz Güýç Allanyňkydyr.

şol Güýçden ýapyşyp gel,

dünýäň ähli tozanyny ýatyryp gel!

dogrulap gel,

ýalňyşyp gel!

pursata garaşman gel,

iň ajaýyp pursatda gel!

geldigiň gowy pursat bolar,

ondan gowsuny neýläýin?!



Gel!

Hoş geldiň!

Geldigiň geliş bolsun!

Suraý BABANYÝAZOWA.

Bäh, Suraý Babanyýazowada-da beýle manysyz goşgy bar eken, gaty gowy görýärdim şu gyzyň ýazyş stilini.
Ekmänkäm,
çökmänkäm,
köýnegimi tikmänkäm,
ýapdan aňry bökmänkäm,
ýoldan gapjyk tapmankam,
itilmänkäm,
çitilmänkäm,
duşuşykda agasyna tutulmankam,
induk ýaly ütülmänkäm,
analiz,
DNK,
RNK,
BMG,
ABŞ,
Jo Baýden,
Ben Ladden,
ölmänkä,
görmänkä,
bilmänkä

Men birinä garaşýardym.

Üýtgeşiklik etseler gowy, ýöne goşgyny beýtseler... nähili boldy by...

kim düşündi, näme diýjek bolduka bärde?

Garynja zähmetkeş haýwan. Meň garyndaşlam zähmetsöýer diýjek bolan bolaýmasyn. It (köpek) wepaly haýwan.

Massimus,
Wah,agam,poeziýany kellä geýen "şahyr"şu.

Nirvana,
Gaty görme welin Azat Orazowyň "Suw sep" aýdymam şu goşgudan manylyrakdyr.

Men näme üçin gaty görmeli? :)
“Suw sep” aýdyma taý geljek aýdym ýokdur-la. Şu Azat Orazow beýleki aýdymçylar ýaly ýüregimizi agyrdyjy, janyňy ýakyjy aýdymlar çykarmady öýdýän. Ýanan ýüreklere suw sepen aýdymçy şol. :)

Bimany goşgy?

Belki,


şu "goşgulary" bilen-ä diňe kellä däl, tutuş bir laý geýnipdir öýdýän

Kellä geýendigi nädereje-de dogry-ka?
Bu tipdäki goşgulara Türklerde-de gabat gelmek bolýar.

Nirvana,


Menem şol aýdym bilen ulaldym, gowy, manysyz aýdymdy. Ol wagt sözlerine üns beremizokdyk (üns berer ýaly many hem ýokdy şol aýdymda) diňe şadyýanja bolany üçin diňleýädik

Massimus,
Agam,kitapçy saýty açylar welin şu "goşgulara" ýazylan teswirleri bir gör.
"Neneñsi ajaýyp"
"Suraý sen hakyky şahyr"
"Sen hakdan içipsiñ"
Saçyñy tüýdüm-tüýdüm ediberesiñ geler.
Agam,senem manyly goşgy ýazjak bolup kösenme,şunuñ ýaljak kelläñe gelenjesini çyrşap goýber:
Garañky düşmäkä
It üýrmäkä
Ejem oklawly kowalamanka
Daýym söwmänkä
Başlygym käýemänkä
Saña garaşypdym. :))

Bor-la meň “Poeziýa” düşünerden düşünjäm ýönekeý gelýär.

Nirvana,


Şol tipdäki goşgularyň türkden bäri geçmezligini arzuw edýärin.

эрбет дал

Mümkin


Ajaýyp goşgular, sen hakyky şahyr:))

kime garasyadyka

Massimus,
Siziň aklyňyz beýle goşgulara çatmaz we bu siziň betbagtlygyňyz

Belki,
Siz aslynda poeziýanyň nämedigini bilýäňizmi?

Oksimiron,
окалан гошгы говнунден турмаса бу бетбагтлык болямыка))))

Belki,
Ine, siz tarp ýerden bir zat dörediň. Edil şu gyzyňky ýaly goşgy ýazyň. Ýöne başga zat barada bolsun. Göreli siziň ýüregiňizde we kelläňizde nähili pikirler barka? Okan wagtyň bu gowy ýa erbet diýmek aňsat. A ýöne özüň tarp ýerden bir zat ýazyp gördüňmi

Oksimiron,


Şeýle goşgulara çatmaýany üçin aklyma buýsanýaryn. Onsoňam meň nämämiň nämä Siz nirden bilýäňiz? Siz zenan agzamy?

nämämiň nämä nätmeýänini

Menem siziň arzuwyňyza çapraz gelýän arzuwy arzuwlaýan. Ady döredijilik dälmi goşgy ýazmagyň, bir eser, onda-da üýtgeşik formatda täze eser ýüze çykarmagyň?!

Bu soragy ýalňyş agza soradyňyz. Bu siziňem tanaýan Mahym Nurgeldiýewaňyz.
Goşgy ýazýan adam poeziýaň nämedigine beletdir-le. :)

Meñ garaşýan adamymyñ eli zanit eken, özem öçürip goýberýä. indi näme etmeli?(

Umuman her kimiň goşgudan tagam alşy tapawutly bolýar.

garaburc,
ким о

Kino görüp durkaň çykýan reklama ýaly bolaýdy seň bu soragyň. :)

Nirvana,


Menem Siziň arzuwlaryňyzyň amala aşmagyny dileýän, ýöne goşgy okamagy halaýanym üçin, gowy goşgulary okap, soňam "şuny" (goşgy diýmäge dilimem baranok) okamak biraz agyr degendigi üçin (onsoňam bu goşgyny Siz paýlaşanyňyz üçin, pikirimi ýazman durup bilmedim, ýogsa başgada manysyz goşgular bar, olary görmediksiräp geçip gidäýýän) pikirimi ýazmaga mejbur boldum!?