Dünýä inen günüm, aladam eden
Ak süýdün emdiren, jan ejem dälmi?
Barja işin talaba laýyk jaý eden
Ak süýdün emdiren, jan ejem dälmi?

Suwa salyp sypalardy başymdan
Uka gitsem aýlanardy daşymdan
Aglan wagtym ak süýt berip döşünden
Ak süýdün emdiren, jan ejem dälmi?

Begnazar diýir kändir, ejäň gymmaty
Ýadygärlik üçin ýazdym bu haty
Ýada salyp Muhammediň ymmatyneý
Ak süýdün emdiren, jan ejem dälmi?

Ene, mama, baba, däde diýdireneý
Ak süýdün emdiren, jan ejem dälmi?




Aýdymyny ýerine ýetiren Amangül Mammetýazowa