PENT

Bir gün Lukman Hekim ogluny ýanyna çagyryp, oňa durmuşda şu üç zady berk berjaý etmegi tabşyrypdyr:

Iýýän naharyň iň gowy nahar bolsun!
Ýatýan düşegiň iň rahat düşek bolsun!
Ýaşaýan jaýyň iň kaşaň jaý bolsun!
Ogul atasynyň sargydyny eşidip, allaniçigsi bolupdyr:

– Kaka! Biz günümizi zordan aýlaýarys ahyry. Seniň bu aýdýanlaryňy men ýerine ýetirip bilmesem gerek.

Şonda Lukman Hekim ogluna şeýle jogap beripdir:

– Diňe ajyganyňda nahar iýseň, iň gowy nahary iýdigiň bolar.

– Günuzyn işläp, agşam öýe geleniňde başyňy ýassyga goýsaň, iň rahat düşekde ýatdygyň bolar.

– Adamlar bilen mähirli gatnaşyk saklasaň, olaryň ýüreginde orun taparsyň. Şeýdibem, iň kaşaň jaýda ýaşadygyň bolar.

Çeşme: kyssahan.blog