Ilki söýgimdiň sen, entek ýaşlykdan,
Soňsuz arzuwlara göwün bagladym.
Gördüm seni çala aradaşlykdan,
Bagtsyzmydyň?
Bagtlymydyň?
Aňmadym!

Bilmen, bagtlymydyk?
Edip etmişi...
Ýolumyz aýrady, çäre galmady.
Göreçlerde gördük ähli geçmişi
Kemsinen bu göwnüm elin galgady.

Şeýdip geçip gitdiň öýmeli başda
Gussalar meň bilen wagtyn çaglady.
Ahmyrlar peýdasyz - bu geçen ýaşda,
Hamsygan ýüregim gözün çyglady.

Bu gürrüňler maňa tanyş, saňa geň
Ejiz göwnüm jiger-bagryn daglady
Ýatlamalar ýatyrmady daňa çen
Telefonda rus aýdymy "Aglady".

Ylham Gurbanalyyew