Halkymyzyň arasynda palowy müň ýyl mundan ozal Lukman Hekim oýlap tapypdyr diýen sözler bar. Ol oňa "palow aş" diýip at beripdir. Onuň her bir harpy palowa goşulýan önümleri aňladýar. Geliň...ol harplar bilen gysgaça tanyş bolalyň:
P – "pyýaz" sogan
A – "aýez" käşir
L – "lahm" et
O – "oliýa" ýag
W – "wet" duz

A – "ab" suw
Ş – "şaly" tüwi
Bu sözler şol döwürlerde ulanylan şiwe sözleridir. lbn Sina palowy derman hökmünde döredip çişip oturan Buhara hökümdaryny bejeripdir, ony aýaga galdyrypdyr. Elbetde, palow köp derdiň dermany hasaplanyp, ganyňy arassalaýar. Ganyňy arassalamak bilen bir hatarda onuň düzümine ýokumlulyk, gujurlulyk berýär. Galyberse-de palow aşgazandaky we bedendäki gerekmejek zyýanly suwlary we suwuklyklary özüne siňdirýär. Il içinde "hepdede bir gezek balyk we palow iýýän adamyň ýanyna dert gelmez" diýen aýtgylar bar.

Öýleriňizde gazanlar atarylyp, buglanyp dursun!