Owalbaşda söýgüň başy,
Edep bilen terbiýede,
Edep diýmek haýadyr bu,
Haýa bolsa, her bedende,
Ýürek urar durar tende.
Gymmatyny mertebelän,
Gadryn biler söýeniniň,
Göwnün tapar şirin dilde.

Söýgi mukaddes bolmaly,
Köp häsýeti talap eder,
Gelşigidir päk söýgüde:
Arassalyk,
Agraslyk,
Asylly bolmak,
Akylly,
Agramly,
Asuda bolmak,
Garşylykly hormat goýmak,
Ezizlemek,
Erkelemek,
Eý görmek,
Edasydyr gabanmak,
Goramak,
Hem arka durmak,
Ýykylanda,
Goltgy bermek,
Goldamak...
Başarsaňyz şuny eger,
Agzalalyk bolmaz meger?! :)

Toý tutulsun öýlerňizde,
Tagt gurulsun bagtdan ýaňa,
Söýüň,
söýüliň,
söýgüňizde,
Wepa tapyň, bir-birekden,
Hiç galmasyn arman sizde!

M.h.