Salam hormatly agzalar sag amanmysyňyz. Çopanyň durmuşy hakda iki agyz ýazaýyn diýdim (okan tapylar diýip). Çopanlar ýönekeý sada adamlar bolsada, adam saýlaýan kär şu kär. Baş çopançylyga köplenç ugurtapyjy, tangyr, tejribeli adamlar saýlanyp alynýar. Goýunyň diline düşünýän adamlar kän kynçylyk çekenok. Käbir ýagdaýlar hakynda agzap geçmekçi.
Halk arasynda "mal eýesiniň gözünden suw içer" diýip söz bar, goýun maly suw içensoň silkinse we garaňky düşensoň pyşgyryp burnuny arçasa, çopandan göwni hoş diýmekdir. Eger tüýi bulaşyp, burny sümükli goýun köpeliberse onda ol çopanyň ünsi başga ýerde ýada entek mal bakmagyň ugruny bilenok diýmekdir. Gije sürä gurt darasa hökman goýun iki ürker, gelende we topulanda ikinji gezek ürkýänçä ýetişseň sürini gorarsyň. Gurt sürä daranda haýal ýagallyk edip möjege bäş minut wagt bolsa birnäçe goýuny zaýalar. Syrtlanda beýle häsiýet ýok kän sürä daranok eger aç bolup mejbur bolsa diňe iýjegini alýa. Möjek sürüsi uwlaşýan bolsa arkaýyn bolup bilersiň sebäbi seň sürüňe degmezler, giderler. Gyş güni giçlik goýun sürüsi işdämen otlaýan bolsa mümkin bolsa degme, olar ýa ertirki gara ýada gijäň aňzagyna taýynlanýandyr. Guzusyny gurt gapan goýun mälemez, guzusyny gözlemez, süýdüni çalt çeker. Bary birmeňzeş ýaly bolsada on oniki gün bolan guzy enesiniň sesini süriň içinden tanaýandyr, enesem şeýle. Baş çopan sürä del mal goşulsa tanaýandyr sebäbi del mal özüni synçy adama tanadýa. Çopanlar köplenç belli mallary tükelläp durýalar, süriň öňünde, yzynda, çetinde gezýän goýunlary köplenç. Mundan uzak ýazsam saýta ýükläp bolmaz.:))