Ejeň bolmasa Durmuşa düşünmez ynsan , Kyn ýoly geçen bolmasa . Manysy bolmaz durmuşyň , Mähriban ejeň bolmasa . Hiç bir zady görmez gözüň , Akyl - huş uçan bolmasa . Solup galar güler yüzüň , Mähriban ejeň bolmasa . Zaryn aglap , ýanar ýürek , Kül bolup , öçen bolmasa . Öz etiň özüň iýersiň , Mähriban ejeň bolmasa . Yollaryňa düşmez ýagty , Gün nurun saçan bolmasa . Tapjak bolma özge bagty , Mähriban ejeň bolmasa . Dünýä baky gelen ýokdur , Gidersin haçan bolmasa . Öz - özüň solar gidersin , Ak saçly , ejeň bolmasa .