Ençe wagt ýanyňda bolmanym üçin,
Mähirli gujagyňa, dolmanym üçin,
Seni tiz-tiz gelip görmänim üçin,
Bagyşla eje-janym bagyşla meni..

Kalbyňy gam-hasrat gurşap almasyn,
Men ýoguma garap gozleň solmasyn,
Garryja göwnüňde arman galmasyn,
Bagyşla eje-janym bagyşla meni...

Göwherden gymmatdyr, her aýdan sözüň,
Senden mähriban zat, ol seniň özüň,
Eger men sebäpli, ýaşarsa gözüň,
Mähribanym ejem-janym bagyşla meni...

Ykbal bizi her ýanlara atanda,
Mähribanym has-da hassa ýatanda,
Bir ogurt suw berip, bilmedim saňa,
Bagyşla eje-janym, bagyşla meni...

Nesip edip bir gün ýanyňa gelsem,
Mähribanym ejem gül ýüzüň görsem,
Ýene birje gezek mähriňi duýsam,
Mähribanym juda men küýsedim seni..
Bagyşla eje-janym bagyşla meni...