Dokuzy düzüwlik

Gezende göwnüme ýurt borsuň diýip,
Gurdumy gündizem uwlatjakdan men.
Bilseň, kanagatly suratkeş deýin
Aňasty aňymda surat çekdim men.

Suratdaky gözler hut seň gözleňdi,
Gaşlar gaşlaryňdy, zülpleňdi zülpler.
(Sen deý gyzlarynyň edebi bilen
Mydam il içinde ýüzlüdir türkmen).

Men seni däliräp-düwläp söýemok
Ýa gezemok aýdymlara zowladyp.
Men seni alawlap-güwläp söýemok,
Ýaşaýan ýüregmi goşga gowzadyp.

Duşan günüm baryp gaýdýan asmana,
Duşuşmasak, intizar men, girýan men.
Ahyrsoňy sekizimi düz edip,
Dokuzynjym, seň ýanyňa barýan men.

Sapa Hommadow
Biznes Reklama